Videos

 

रसुवा जिल्लामा बस भाडा चर्को

 रसुवा जिल्लाको उत्तरी भेगमा चल्ने सवारी साधनले मनपरी भाडा असुल्दै आएका छन । काठमाडौँ बाट जम्मा १२५ किमी दुरीमा अवस्थित चिलिमेको थाम्बुचेतमा चल्ने लोकल बसले ९५०/-, डिलक्स भन्ने बसले १०५०/- र सूमो जिपले ११५०/- भाडा असुल्दै आएका छन । यसको अनुगमन कस्ले गर्ने सरकार ?

लूट 

अरनिको समितिको लुट

 आज काठमाडौंबाट बाह्रबिसे जादै गरेको बसले २८% भाडा बढेको भन्दै त्यही अनुसार उठाउदै रछ । एकजना passenger ले काभ्रे प्रहरीलाई जानकारी गरेपछि बनेपामा बस रोकियो र फर्काएर जिल्ला ट्राफिक प्रहरी कार्यालय बनेपा पुर्‍याइयो अनि जरिवाना गरेर बढी लिएको भाडा फिर्ता दिने शर्तमा बस छोडियो । त्यसपछि बसले ´सुपर भाडा`भन्दै करिब २०% बढी भाडा बढी उठायो । 

# साविक अरनिको यातायात सेवा समिति अन्तर्गतको बसहरुले ´सुपर` र ´एक्सप्रेस` को नाममा passenger ठग्ने कहिलेसम्म ??????

# भाडा निर्धारण गर्दा लामो दुरि र छोटो दुरि, कच्ची सडक र पक्की सडक, बस र माइक्रोबसको आधारमा मात्रै फरक फरक भाडा निर्धारण भएको होइन र??????

# ´सुपर` ´एक्सप्रेस` अरनिको यातायातले अरनिको रुटमा मात्रै संचालन गरेको होकि अरु यातायात व्यावसायिक संघ संगठनले अन्यत्र पनि संचालन गरेका छन ???

# छिटो पुर्‍याउने भनेर अरनिको यातायातले ´सुपर` ´एक्सप्रेस` राखेको भएपनी त्यसको निश्चित मापदण्ड बनाएको छैन र????

# विद्यार्थीलाई ४५%भाडा छुट कायम छ कि छैन ??? कायम छ भने सक्कली कार्ड अनिवार्य छ तर कलेज, स्कुल भर्ना भएको रसिद नि अनिवार्य अरनिको रुटमा मात्रै होकि अन्यत्रको रुटमा पनि हो ???

                       केही जिज्ञासा, केही जानकारी धन्यवाद

शेरा

शेराको अर्थ के होला?

केरुङ–काठमाडौं रेलमार्ग निर्माण गर्न तयार छौं : चीन

काठमाडौं- केरुङ–काठमाडौं रेल मार्ग निर्माण गर्न चीन सरकार तयार रहेको नेपाल भ्रमणमा रहेको चिनियाँ उच्च अधिकारीले बताएका छन् । सोमबार काठमाडौं आइपुगेको चिनियाँ उपमन्त्री सहितको २३ सदस्यीय उच्चस्तरीय प्रतिनिधिमण्डलले यहाँका सरकारी अधिकारीसँगको पहिलो बैठकमा चीन–नेपाल अन्तरदेशीय रेलमार्ग निर्माण गर्न तयार रहेको बताएको हो ।
चीनको नेसनल रेलवे एडमिनिस्ट्रेसनका उपमन्त्री जेङ जियनको नेतृत्वमा आएको टोलीसँग सोमबार भौतिक पूर्वाधार तथा यातायात मन्त्रालयमा दुईपक्षीय पहिलो बैठक भएको थियो । छलफलमा चिनियाँ टोलीले रेलमार्ग निर्माण गर्ने प्रतिबद्धता जाहेर गरेको हो । उक्त बैठकमा नेपाली पक्षका तर्फबाट मन्त्रालयका सचिव देवेन्द्र कार्की, रेल विभागका महानिर्देशक अनन्त आचार्य र सिनियर डिभिजनल इन्जिनियर प्रकाशभक्त उपाध्याय सहित मन्त्रालयका अन्य अधिकारीको सहभागिता रहेको थियो ।
‘सोमबारको पहिलो बैठक अत्यन्तै सकारात्मक रह्यो,’ रेल विभागका प्रवक्ता समेत रहेका उपाध्यायले भने, ‘यो बैठकमा दुई देशमा भएका रेलका विकास र यसको सकारात्मक प्रभावबारे विस्तृत छलफल भएको छ ।’ छलफलका क्रममा नेपालमा रेलमार्ग निर्माण गरिदिन चीन तयार रहेको बताएको थियो ।  
केरुङ–काठमाडौं रेलमार्ग निर्माण धेरै गाह्रो भएको र यसको लागि ठूलो लगानीका साथै प्राविधि आवश्यक पर्ने चिनियाँ टोलीले बताएको छ । उनीहरूका अनुसार रेलमार्ग बन्ने क्षेत्रमा क्षेत्रमा ठुल्ठूला पहाड भएकाले धेरै सुरुङ र पुल निर्माण गर्नु पर्नेछ । यस मार्गको सम्पूर्ण प्राविधिक विशेषता हेरेपछि मात्र लगानी र दुई देशबीचको सम्झौताको विषय अघि बढ्ने चिनियाँ टोलीले जानकारी गरायो ।  
यो भ्रमणसँगै चिनियाँ टोलीले केरुङ–काठमाडौं रेलमार्गको काम सुरु गर्ने विभागले जनाएको छ । चिनियाँ प्रतिनिधिले नेपालमा रेलमार्ग निर्माण गर्न आवश्यक पर्ने प्राविधिक सहयोग गर्न तयार भएको नेपाली पक्षलाई बताएको थियो । त्यसैगरी उनीहरूले रेलमार्ग निर्माण गर्न आवश्यक पर्ने दक्ष जनशक्ति उत्पादन गर्न नेपाली पक्षलाई तालिम दिने प्रतिबद्धता समेत जाहेर गरेको उपाध्यायले बताए ।
बैठकमा रेलले देशमा पार्ने समग्र सामाजिक र आर्थिक प्रभावको विषयमा पनि विस्तृतमा छलफल गर्दै चिनियाँ टोलीले अन्तरदेशीय रेलमार्ग निर्माणमा उनीहरूले गरेका कामबारे जानकारी गराएका थिए । साथै, उनीहरूले चीनमा रेल विकासको अवस्थाबारे नेपाली टोलीलाई जानकारी गराएका थिए । नेपाली पक्षले मुलुकमा हालको रेलमार्गको पूर्वाधार विकास र अन्य अवस्थाबारे जानकारी गरायो ।  
विज्ञसहितको संयुक्त टोली मंगलबार केरुङ जाँदैछ । उक्त टोलीले केरुङ–काठमाडौंको रेलमार्गको अध्ययन गर्नेछ । साथै, टोलीले काठमाडौं–पोखरा हुँदै लुम्बिनी जोड्ने रेलमार्ग बनाउन स्थलगत अध्ययन गर्ने तय भएको छ । नेपालमा रेल विकासको सम्भावना अध्ययन र छलफल गर्न आएको टोली केरुङबाट फर्केपछि बुधबार पोखरा र बिहीबार लुम्बिनी जाने कार्यक्रम तय भएको छ ।
टोलीको स्थलगत अध्ययनपछि शुक्रबार भौतिक पूर्वाधार तथा यातायात मन्त्रालयमा सरकारी अधिकारीसँग थप छलफल गर्ने कार्यक्रम  छ ।  चिनियाँ टोली शनिबार स्वदेश फर्कनेछ ।   
चिनियाँ टोलीमा चीनको परराष्ट्र मन्त्रालय र यातायात मन्त्रालयका प्रतिनिधि, सरकारी कर्मचारी, नेसनल डेभलपमेन्ट कमिसनका प्रतिनिधि, नेपालस्थित चिनियाँ राजदूतावासका प्रतिनिधि, परामर्शदाता, निर्माण व्यवसायी, बैंकका प्रतिनिधि लगायत छन् ।
तिब्बतको केरुङबाट रसुवागढी नाका हुँदै काठमाडौंसम्म रेलमार्ग निर्माण गर्ने योजना सरकारले अघि सारेको छ । उक्त रेलमार्ग निर्माण गर्न चीन सरकारले सहयोग गर्ने प्रतिबद्धता जनाएको छ । अघिल्ला सरकारका अर्थमन्त्री कृष्णबहादुर महराले चीन भ्रमणको अवसरमा उक्त रेलमार्ग निर्माण गर्न सहयोग गर्ने प्रारम्भिक सहमति चिनियाँ सरकारले गरेको थियो ।
सरकारले काठमाडौं र पोखरालाई रेलमार्गले जोड्ने योजना अघि सारेको छ । त्यसैगरी, पोखरा र लुम्बिनीलाई पनि रेलमार्गले जोड्ने योजना छ । सरकारले काठमाडौं–पोखरा रेलमार्गको सम्भाव्यता अध्ययन सकिसकेको छ । अध्ययन अनुसार उक्त रेलमार्ग एक सय ८७ किलोमिटर लामो हुनेछ र यसले ६ वटा जिल्लालाई जोड्ने छ । काठमाडौंबाट सुरु भएको रेल नुवाकोट, धादिङ, गोरखा, तनहँु हँुदै पोखरा पुग्ने अध्ययनमा उल्लेख छ । यो रेलमार्गले अहिले गाडीबाट पोखरा पुग्न लाग्ने झन्डै सात घन्टा लामो यात्रालाई दुई घन्टामा झार्ने अध्ययनले देखाएको छ ।  
मुलुकमा हाल कुनै पनि रेल सेवा सञ्चालनमा छैन । इतिहास बोकेको जयनगर–जनकपुर रेलमार्ग बन्द भइसकेको छ भने नयाँ मार्ग निर्माणको क्रममा रहे पनि चल्न सकेको छैन ।
हाल जयनगरबाट सुरु भएर जनकपुर हुदै बर्दिबाससम्म पुग्ने ६९.२ किलोमिटर रेलमार्ग निर्माणको अन्तिम चरणमा छ । जसमध्ये ३५ किलोमिटरमा आगामी फागुनदेखि रेल चलाउने योजना रेल विभागको छ । उक्त खण्डको धनुषा कुर्थासम्म ३५ किलोमिटरमा फागुनदेखि रेल चलाउन सकिने रेल विभागले जनाएको छ । तर रेलमार्ग तयार भए पनि रेल उपलब्ध नहुँदा उक्त समयमा चल्न सक्ने सम्भावना कम हँुदै गएको छ ।
त्यसैगरी, बिहारको जोगबनीदेखि विराटनगरसम्मको ट्र्याक पनि अन्तिम चरणका पुगेको छ । जसको लम्बाइ १८.६ किलोमिटर रहेको छ । यो ट्राक निर्माणको अन्तिम चरणमा पुगेको विभागले जनाएको छ ।


2074.7.25 Nagarikdainik bata 

काठमाडौं नेसनल सम्बन्धन प्रकरण : शंकाको घेरामा मन्त्रीदेखि काउन्सिल सदस्यसम्म http://bit.ly/2hkHf9B

कार्तिक २५, २०७४-विवादास्पद काठमाडौं नेसनल मेडिकल कलेजको सम्बन्धन चलखेलमा शिक्षा मन्त्रालयदेखि नेपाल मेडिकल काउन्सिलसम्म चलखेल भएको भेटिएको छ । त्रिभुवन विश्वविद्यालयबाट प्रक्रिया नै सुरु नहुँदै शिक्षामन्त्री गोपालमान श्रेष्ठले सिट निर्धारणका लागि नेपाल मेडिकल काउन्सिललाई दबाब दिएका छन् भने काउन्सिलका एक सदस्य मेडिकल कलेजमै फर्जी कागजात मिलाउँदै गर्दा रंगेहात फेला परेका छन् । 

मन्त्री श्रेष्ठले स्वार्थका कारण नेपाल मेडिकल काउन्सिललाई सिट संख्या निर्धारण गर्न पत्र लेख्न लगाए । मन्त्रालयलाई समेत विपक्षी बनाई दर्ता गरिएको रिट निवेदनको लिखित जवाफ पठाउनुअघि नै उनले नेसनलको सिट निर्धारण गर्न पत्राचार गरे । ‘उहाँ जसरी पनि हतारहतार सम्बन्धन प्रक्रिया अघि बढोस् र सिट निर्धारण होस् भन्ने योजनामा हुनुहुन्थ्यो,’ मन्त्रालय स्रोतले भन्यो । मन्त्रीको दबाब थेग्न नसकी सिट निर्धारणका लागि काउन्सिलमा पत्राचार गरेका शिक्षा सचिव मधु रेग्मीले सर्वोच्च अदालतमा लिखित जवाफ पठाउने क्रममा भने रिट खारेज गर्न आग्रह गरे । 

एकातिर सिट संख्या निर्धारण गर्न पनि दबाब दिनु र अर्कोतर्फ रिट खारेजीको जवाफ दिनु विरोधाभास र द्वैध चरित्र हुने मन्त्रालयका कर्मचारीहरू बताउँछन् । डा. गोविन्द केसीसँगको छलफलमा प्रधानमन्त्री शेरबहादुर देउवाले बर्खास्त गर्ने चेतावनी दिएपछि मात्रै मन्त्री श्रेष्ठले सिट निर्धारणका लागि पठाइएको पत्र फिर्ता लिने प्रक्रिया थालेका थिए । 

सर्वोच्चले ८ कात्तिकमा दिएको अन्तरिम आदेश खारेजको माग राखी शिक्षा मन्त्रालयले २१ गते महान्यायाधिवक्ता कार्यालयमार्फत निवेदन दर्ता गराएको छ । तर त्यसअघि नै कात्तिक १५ गते शिक्षाले काउन्सिललाई पत्र लेखी काठमाडौं नेसनललाई सिट निर्धारण गरिदिन आग्रह गरेको थियो । प्रधानमन्त्रीको चेतावनीपछि मन्त्रालयले शुक्रबार काउन्सिललाई पठाएको पत्र फिर्ता गरिदिन अर्को पत्र पठाएको छ । मन्त्रालयले काउन्सिललाई लेखेको पत्रमा भनिएको छ, ‘अन्तरिम आदेश खारेजका लागि यस मन्त्रालयले अदालतसमक्ष निवेदन दर्ता गरिसकेको हुँदा त्यहाँ प्रेषित पत्र फिर्ता पठाइदिने व्यवस्था गरिदिने व्यवस्था हुन अनुरोध छ ।’ 

पूर्वाधार नपुगेको र फर्जी प्रतिवेदनका आधारमा सम्बन्धनको प्रयास गरिरहेको काठमाडौं नेसनल मेडिकल कलेजलाई त्रिवि कार्यकारी परिषद्ले गत १२ साउनमा सम्बन्धन दिने निर्णय गरेको थियो । चौतर्फी आलोचना र दबाबपछि भदौ २१ मा अस्थायी सम्बन्धनको निर्णय फिर्ता लियो । त्रिविले अस्पताल सञ्चालन अनुमति नै नलिएको पाइएको भन्दै सम्बन्धन खारेजको निर्णय गरेको थियो । त्यसविरुद्ध काठमाडौं नेसनलका सञ्चालकले दायर गरेको रिटमा सर्वोच्चका न्यायाधीश डम्बरबहादुर शाहीले स्पष्टीकरणको मौका दिएको नदेखिएको भन्दै सम्बन्धन खारेजको निर्णय कार्यान्वयन नगर्न अन्तरिम आदेश दिएका थिए । सम्बन्धन यथावत् रहेको भन्दै मन्त्रालयले सिट निर्धारण गर्न काउन्सिललाई पत्राचार गरेको हो ।

शिक्षामन्त्रीको निर्देशन र दबाबअनुसार सिट निर्धारण गर्न पत्राचार गरिएको एक कर्मचारीले बताए । ‘सिट निर्धारण गर्ने पत्र पठाउन पनि मन्त्रीले दबाब दिए । अहिले फेरि काउन्सिलमा पठाएको पत्र तुरुन्त माग्नु भनेर आदेश आएपछि पत्र फिर्ता माग्नुपरेको हो,’ ती कर्मचारीले भने । यसअघिको सम्बन्धन चलखेलमा शिक्षामन्त्री श्रेष्ठका साथै तत्कालीन सचिव शान्तबहादुर श्रेष्ठसमेत प्रत्यक्ष जोडिएकै कारण त्रिविले सम्बन्धन दिएको थियो । त्रिविले निर्णयमा नै मन्त्रालयले पटक–पटक दबाब दिएकै कारण नेसनललाई सम्बन्धन दिइएको उल्लेख गरेको छ । 

शिक्षा सचिव मधुप्रसाद रेग्मीले निर्णय खारेजीमा मन्त्रालयको कुनै भूमिका नभएको भनी विवादास्पद प्रत्युत्तर पठाएका थिए । ‘मन्त्रालयलाई विपक्षी बनाउनुको कुनै स्पष्ट कारण उल्लेख भएको देखिएन,’ शिक्षा मन्त्रालय स्रोतबाट प्राप्त पत्रमा भनिएको छ, ‘मन्त्रालयको कुनै पनि निर्णयबाट कलेज सञ्चालकको हक अधिकार हनन भएको देखिँदैन ।’ पाँच वाक्यको प्रतिरक्षाका क्रममा मन्त्रालयले कतै पनि सम्बन्धन खारेज उचित भनेको छैन र त्यसको कारण र आधारको औचित्य पुष्टि गर्न खोजेको छैन ।

Source :  ekantipur.com.np


http://bit.ly/2hkHf9B

फरार अभियुक्त मन्त्रीसँग देखिए

काठमाडौं– असोज १७ ठगी तथा सरकारी कागजपत्र किर्ते मुद्धा मा १४ महिना जेल, सात लाख रुपिँया जरिवाना फैसलापछि फरार अवस्थामा रहेका अपराधि वर्तमान सरकारका एकजना मन्त्रीसँग देखिएका छन् ।

नुवाकोट जिल्ला रावतवेसी गाविस वडा नम्वर–४ घरभइ हाल गोंगबु बस्दै आएका २६ वर्षीय सरोज केसी वर्तमान सरकारका सहरी विकास मन्त्री अर्जुननरसिंह केसीको अघोषित पिएका रुपमा कार्यरत रहेको बताइएकाे  छ ।

जिल्ला अदालत काठमाडौंले केसीलाई फरार अपराधिको सूचीमा राखी पक्राउका लागि प्रहरी प्रधान कार्यालयलाई पत्रचार गरेको थियो । तर, फरारको सूचीमा राखेका केसी दिन दिनै सिंहदरवारस्थित शहरी विकास मन्त्रालयमा आवतजावत गर्ने गरेका छन् ।

अपराधि केसीले सप्तरी सिमराहा सिगीयौना–४ घर भइ हाल जनमैत्री अस्पतालमा कार्यरत डा. मनोज कुमार साहलाई बीर अस्पतालमा एमडी पढ्न इन्ट्रान्स परीक्षामा उत्तीर्ण गराइ दिने नाममा एक करोड नगद लिइ नक्कली कागजपत्र पेश गरी ठगी गरेका थिए ।

सो मुद्धामा जिल्ला अदालत काठमाडौंका न्यायाधिस सूर्यप्रसाद पराजुलीको इजलासले २०७३ साल जेठ ३१ गते केसी विरुद्ध १४ महिना जेल र सातलाख रुपियाँ जरिवाना हुने फैशला सुनाएको थियो । अदालतबाट जारी गरिएको म्याद गुजारी बसेका अपराधि केसीलाई पुनरावेदन गर्नेबाटो समेत बन्द गरिएको छ ।

अपराधि केसीको योजना अनुरुप नै बीर अस्पतालका कर्मचारीहरुको मिलिमतोमा एक करोड अशुल गरी एमडी अध्ययन गर्न जाँदा डा। साहलाई नक्कली कागजपत्र दिएका थिए । सो घटनाका अन्य अपराधिहरुमा राजेश कहार, रवि पौडेल र दिपक मुडभरी जेलमा छन् । तर, केसी र बारा कलैयाका पिन्टु भन्ने शशिकान्त मिश्र फरारको सूचीमा छन् ।

तीनजना बीर अस्पतालको कर्मचारी र अन्य दुईजना वाहिरको गरी पाँचजनाको मिलिमतोमा २०७१ सालमा डा। साहलाई पैसा खर्च गर्न सके एमडीमा नाम निकाल्न सकिन्छ भन्दै काँग्रेस नेता अर्जुननरसिंह केसी र उनका भाइ बरिष्ठ चिकित्सक केदारनरसिंह केसीको हवलामा दिदै एक करोड लिएका थिए ।

यतिको रकम लिएपछि एमडीमा नाम निष्केको छ भन्दै आवश्यक कागजपत्र डा। साहलाई दिएर पन्छिएका थिए । बीर अस्पतालको कागजपत्र नक्कली बनाएको अभियोगमा पीडित डा। साहले उनीहरु विरुद्ध ठगी तथा सरकारी छाप किर्ते मुद्धा दायर गरेका थिए ।

यसैबीच, केही दिनअघि अपराधि केसीलाई पक्राउ गर्न प्रहरीको केन्द्रिय अनुसन्धान ब्यूरो (सिआइवी)बाट खटेको प्रहरी टोलीलाई फर्काइएको छ । ब्यूरो प्रमुख प्रहरी नायव महानिरीक्षक डिआइजी नवराज सिलवालले अपराधि केसीलाई तत्काल पक्राउ नगर्न निर्देशन दिएका छन् ।

तर, ब्यूरो प्रवक्ता प्रहरी उपरीक्षक दिवस लोहनीले भने पक्राउको प्रयास भइरहेको बताए । ब्यूरो प्रमुख सिलवाल केसीलाई म नआइ पक्राउ नगर्नु भन्दै केही दिनका लागि विदेश हिडेका छन् ।

डिआइजी सिलवालले केसीलाई पक्राउ नगर्नु भन्नुको पछाडि प्रहरी महानिरीक्षक बन्नका लागि केसीको पक्राउलाई वार्गेनिङका रुपमा प्रयोग गरिएको हुनसक्ने अनुमान गरिएको छ । ब्यूरो प्रमुख सिलवालले पक्राउ नगर्नु भनेको कुरा प्रहरी प्रधान कार्यालय प्रहरी महानिरीक्षकको सचिवालयसम्म पुगेको छ ।

ब्यूरोका एकजना प्रहरी निरीक्षको कमाण्डमा एक टोली केसीको पक्राउमा तैनाथ भएको थियो । अपराधि केसी विरुद्ध नुवाकोट र काठमाडौं जिल्ला अदालतहरुमा अझै तीन वटा ठगी मुद्धा विचारधिन अवस्थामा रहेको जानकारी प्रहरीले नै दिएको छ ।

अपराधि केसीले डा. साहलाई ठग्नु अघि नुवाकोटकै एक युवतीलाई पनि नर्सिङ शिक्षा पिसिएल नर्सिङमा नाम निकाली दिने भन्दै तीनलाख ठगी गरेको र नुवाकोटकै एक तामाङ थरको युवालाई विशेष प्रहरीमा जागिर लगाइ दिने भन्दै सात लिइ ठगी गरेको उजुरी महानगरीय प्रहरी अपराध महाशाखामा परेको छ ।

अपराधि केसीले सोही ठगी गरी कमाएको रकमबाट गोंगबुमा चार तले घर बनाएका छन् । आर्थिक रुपले सामान्य परिवारमा जन्मेका केसीको अध्ययन ब्याचुलरसम्म पनि पुरा छैन । नेता केसीलाई बदनामी गराउदै उनले अकुत सम्पति लुटेको भनाई सर्वसाधारणको छ ।

आजको राजधानीबाट 

जब दार्शनिकले राजाको कुकुरलाई.........

एकजना बादशाह आफ्नो कुकुरको साथ डुंगामा यात्रा गरिरहेका थिए । नाउँमा अन्य यात्रुहरुको साथमा एकजना दार्शनिक पनि थिए । कुकुरको लागि डुंगाको यात्रा पहिलोपटक थियो । यसर्थ, कुकुर केही डराइरहेको थियो । कुकुर यताउता गर्दै दौडिरहेको थियो ताकि केही दुर्घटना हुनेवाला छ । उसको गतिविधिले कसैले पनि चयनले बस्न पाएका थिएनन् ।

डुंगाको नाविक कुकुरका कारण केही यात्रुले गर्नसक्ने अस्वभाविक गतिविधिका कारण डुंगा डुब्न सक्ने सम्भावनाबाट त्रसित थियो । कुकुरले यस्तै गतिविधि जारी राखेपछि बादशाह पनि कुकुरसँग रिसाइरहेका थिए ।

यत्तिकैमा डुंगामा सवार दार्शनिकले राजालाई बिन्ती गरे, ‘सरकार ! यदि हजुरको आदेश हुन्छ भने म यो कुकुरलाई तह लगाउन सक्थेँ कि ?’ बादशाहले तत्काल अनुमति दिए ।

दार्शनिकले दुई यात्रुको सहारा लिएर कुकुरलाई उचालेर नदामा फ्याँकिदिए । कुकुर एकछिन पानीमा पौडियो र हायलकायल हुँदै जीवन जोगाउन डुंगानेर आयो । दार्शनिकले कुकुरलाई तानेर डुंगामा राख्यो । लगत्तै कुकुर एउटा कुनामा गएर घरपालुवा बाख्राजस्तै शान्तसँग बस्यो ।

सबै यात्रुहरुसँग बादशाह पनि कुकुरको अचानक फेरिएको व्यवहार देखेर आश्चर्यचकित भए । बादशाहले दार्शनिकलाई सोधे, ‘यो पहिला त छटपटाइरहेको थियो, सबैलाई हैरान बनाएको थियो, अहिले अचानक कसरी बदलियो ?’

दार्शनिकले जवाफ दिए, ‘आफैंले दुःखको स्वाद नचाखेसम्म कसैले पनि अरुको दुःख बुझ्न सक्दैन । यो कुकुरलाई जब मैले पानीमा फ्याँकेँ, तब मात्र यसले पानीको शक्ति र डुंगाको उपयोगिता बुझ्यो ।’

जवान युवतीसँग जब कालिदासले पानी मागे …

कालिदास एकपटक भ्रमणको क्रममा एउटा गाउँमा पुगे । उनी एकदमै तिर्खाएका थिए । एउटा घरको ढोकामा पुगेर उनले पानी मागे । ढोका उभिएकी एक युवती र ज्ञान हासिल गरेर चर्चित भइसकेका कालिदासको बीच रोचक संवाद भयो ।

कालिदास : कृपया, पानी दिएर पुण्य कमाउनुहोस् ।

युवती : मैले तपाईंलाई चिनेकै छैन । पहिला आफ्नो परिचय दिनुहोस् । म अवश्य पानी दिनेछु ।

कालिदास : म पाहुना हुँ, कृपया पानी दिनुहोस् ।
युवती : तपाई कसरी पाहुना ? संसारमा त दुईवटा कुरा मात्र पाहुना हुन्छन् । एउटा धन र अर्को यौवन । यिनीहरु आउन र जानमा समय लाग्दैन । सत्य कुरा भन्नुहोस्, खासमा तपाई को हुनुहुन्छ ?

(तर्क दिँदादिँदा हैरान भएका उनी अलि हताश भइसकेका थिए)

कालिदास : म सहनशील हुँ । अब पानी दिनुहोस् ।

युवती : होइन, सहनशील दुई मात्र हुन्छन् । पहिलो, पृथ्वी जसले पापी र धर्मात्मा सबैलाई बोकेकी हुन्छिन् । उनको छाती चिरेर बिउ रोप्नेलाई पनि फल दिन्छिन् । अर्को सहनशील हो वृक्ष जसले ढुंगाले हान्दा पनि फल दिन्छ । तपाई सहनशील होइन । साँचो कुरा बताउनुहोस् ।

(कालिदास लगभग तनावपूर्ण अवस्थामा पुगिसकेका थिए । थप तर्क गर्न थाले)

कालिदास : म हठी हुँ ।

युवती : फेरि झूठ । हठी त नङ र कपाल हुन् । जति काट्नुहोस्, पटक-पटक आउँछन् । सत्य कुरा भन्नुहोस् यहाँ को हुनुहुन्छ ?

(कालिदासले आफूलाई अपमानित महसुस गरे, उनी लगभग पराजित भइसकेका थिए)

कालिदास : त्यसोभए म मूर्ख हुँ ।

युवती : होइन, तिमी मुर्ख कसरी हुन सक्छौ । मुर्ख त दुई हुन्छन्- पहिलो, राजा जसले आफ्नो अयोग्यताको बावजुद पनि योग्यहरुमाथि शासन गर्छन् र अर्को मूर्ख दरबारका पण्डित हुन् जसले राजालाई खुसी बनाउन गलत तर्क गरेर पनि झूठलाई सही सावित गर्न खोज्छन् ।

(केही पनि बोल्न नसकेपछि कालिदास युवतीको पाउ परे र पानी माग्न थाले)

युवती : उठ्नुहोस् महानुभाव ! (आवाज सुनेर कालिदासले माथि हेर्दा त उनी साक्षात् सरस्वती रहिछन्, अनि कालिदास झन नतमस्तक भए)

सरस्वतीले भनिन्- शिक्षाबाट ज्ञान हासिल गर्नु पर्छ न कि अहंकार । तपाईले शिक्षाको बलबाट प्राप्त गर्नुभएको मान र प्रतिष्ठालाई नै आफ्नो उपलब्धि मान्नुभयो र घमण्ड गर्नुभयो । यसकारण तपाईको तेस्रो नेत्र खोल्न म यहाँ आएकी हुँ ।

कालिदासले आफ्नो गल्ती महसुस गरे र टन्न पानी पिएर फर्किए ।

शिक्षा : विद्वत्तामाथि कहिल्यै घमण्ड नगर्नुहोस् । यही घमण्डले तपाईको विद्वत्ता नष्ट गरिदिनेछ ।

trout fish

Posted on Jul 5, 2012 by ER Saurav Shrestha under Tour

Tags: Trout Fish, Kakani, Kathmandu

It was a Saturday morning and I got call from my friend in order to go have trout fish at Kakani. Well when I think about kakani, I really love riding my bike and enjoy viewing the beautiful greenery on the way which makes me feel like I am in paradise. So I had my breakfast in a zip then we all planned to meet at Balaju Chowk which is one of the crowdest place in Kathmandu. Well you can find lots of buses, micro buses here to the various places of Kathmandu. So after crossing Balaju we all 

speed up our bikesa nd enjoyed the ride. On the way we found lots of shades, so it was pretty cool while traveling. Kakani is also one the famous Picnic Spot in Nepal.

After just 15-20 minutes we saw a board saying Osho Tapoban, then we all decided to have a look inside this tapoban, this place was really so cool and peaceful .This is one of the quiet place I have experienced. Here I saw beautiful garden, trees, even small water fall, bridge and it was like a mini park. Lots of people who follows Osho religion stays here especially for meditation. We found really nice café located at Osho Tapoban. Here we found different variety of food items like pizza, sandwich, ginger tea and almost everything .We had wooden Pizza and Momos (Dumplings) then headed towards fulfilling our Trout fish desire. And again we started bike racing among us which was the most thrilling and interesting part of tour. Well it took only 40 min for us to reach Kakani. Travelling from Kathmandu to kakani, we need to move towards high altitude. Would you believe that we saw Himalayan Range from Kakani. It was so amazing that you can really enjoy the experience of Mountain Range View if you are just 1-2 hours away from Kathmandu. We all started taking photographs. As our main aim was having Trout Fish, on the way we saw lots of restaurant saying “Trout Fish available here” but the famous Restaurant was still 20-30 minutes away. This was my first time that I passed Kakani, after crossing Kakani there was really a nice place with clear blue sky, green tress and no crowd at all. I am sure anyone can enjoy bike riding in this area and you can also find most of the tourist cycling. Kakani is really a good place for cycling along with amazing view surrounding the place. So after 20 minutes from kakani we reached the “TROUT FISH Restaurant”, here you can see fishes playing inside the pond. The restaurant owner was the one doing the Fish harvesting by himself.

All of us first started playing with fishes we ordered our main course finally” Trout Fish”. After that the master chef came up with his fish net and started capturing the fishes, then he started taking the weight of all those fishes and after that he moved towards the kitchen in order to cook the fishes.  Within 15-20 minutes our Trout Fish was ready to be served. Then we all started drinking beer along with the fishes. From this restaurant we had amazing view of rocks and the sound of slowing water. So we all enjoyed the taste of Trout Fish for the first time and it was amazing.

Finally we returned back to Kathmandu and it took almost 1 hour to reach Kathmandu from this very Restaurant. I must say this bike riding in search for Trout Fish was really really amazing.

Photo Gallery

Visitor Trying to EAT TROUT FISH just in PhotoShoot

Trout fish in Pond

Visitors Playing with FISH

Trout fish in Net

डा गोविन्द केसीका माग पूरा गर्ने सन्दर्भमा भएका प्रगति र प्रतिवद्धता

रछ्या बन्धन ,जनै पुर्णिमा बनिसक्यो राखी !

रछ्या बन्धन ,जनै पुर्णिमा बनिसक्यो राखी !
सबै पर्व उतै सर्यो केहि रहेन बाकी !!
दीपावली दिवाली भो, दसैँ दसहरा !
नेता पनि उतैका छन् ,हरे कठैबरा !!
देशका नेता उता पुग्छन सिमा यता सर्छ !
मेरो देशको नेता कुन हो ? सोचमा डुब्नु पर्छ !!
फागु खेल्नी फागु पर्ब बनिसक्यो होलि !
मधेश प्रदेश मध्ये प्रदेश बन्ने होकि भोलि !!
भाषा चल्छ पैसा चल्छ, चल्छ घरमा टिभी !
श्रीमती नि आज भोलि लाग्न थाल्यो बीबी !!
जमिन उतै, नेता उतै, उतै हिड्यो पर्व  !
नेपाली भइ अझै पनि गरिराछौ गर्व !! तैट !
लेखक :
सुरेश नेपाल 

http://merolagani.com/AnnouncementDetail.aspx?id=23974

http://merolagani.com/AnnouncementDetail.aspx?id=23974

८ रोगको निःशुल्क

८ रोगको निःशुल्क उपचारः कहाँ र कसरी पाइन्छ ?

ऋचा अर्याल

1प्रतिक्रिया

३० भदौ, काठमाडौं । अहिले पनि उपचार नपाएर वा खर्च नभएर मृत्यु भएको खबरले बेला-बेला सबैलाई रुवाउँछ । सरकारले गम्भिर प्रकृतिका रोगको उपचारमा सहयोग गर्ने नीति लिएको छ ।

तर, जानकारीको अभावमा वास्तविक पीडितले लाभ लिन सकेका छैनन् । बरु हुनेखाने र टाठाबाठाले नै पहुँचको प्रयोग गरेर उपचार खर्च लिने गरेको बेला-बेला सार्वजनिक हुँदै आएको छ ।

पछिल्लो पटक प्रधानमन्त्री पुष्पकमल दाहाल ‘प्रचण्ड’ले व्यवस्थापिका संसदमार्फत देशवासीलाई सम्बोधन गर्दै विभिन्न आठ प्रकारका रोगको उपचार निःशुल्क गर्ने घोषणा गरेका छन् ।

तर, कुन-कुन रोगमा कति शुल्क छुट हो वा कुन अस्पतालमा गए निःशुल्क उपचार पाइन्छ ? यसका लागि के आवश्यक पर्छ जस्ता कुरा भनिएको छैन ।

कुन-कुन हुन् आठ रोग ?

सरकारले निःशुल्क उपचार गर्न सक्ने भनेर घोषणा गरेको आठ रोगमा मुटु रोग, मिर्गौला, क्यान्सर, अल्जाइमर, पार्किन्सन्स, हेड इन्जुरी, स्पाइनल इन्जुरी र सिकलसेल एनिमिया पर्छन् । जसको सरकारी अस्पतालमा निःशुल्क उपचार गर्न सकिन्छ ।

स्वास्थ्य सेवा विभागका अनुसार उपचार खर्च अभावमा कुनै पनि नागरिकले मृत्युवरण गर्न नपरोस् भन्ने मनसायका अनुसार यो व्यवस्था गरिएको हो

स्वास्थ्य सेवा विभागका अनुसार उपचार खर्च अभावमा कुनै पनि नागरिकले मृत्युवरण गर्न नपरोस् भन्ने मनसायका अनुसार यो व्यवस्था गरिएको हो । यसअघिका सरकारले पनि सहयोग गर्दै आएका थिए, जसलाई अहिले अझ विस्तार गरिएको छ ।

सरकारी तथ्यांक अनुसार आर्थिक वर्ष ०७० सालदेखि ०७२/७३ सम्म झण्डै २८ हजार ६ सय ७ जनाले यो सेवा लिइसकेका छन् ।

स्वास्थ्य सेवा विभाग विपन्न इकाईका अनुसार आर्थिक वर्ष ०७०/७१ करिब १० हजार ८२८ जनाले विभिन्न अस्पताल मार्फत यो सेवा लिइसकेका छन् । आर्थिक वर्ष ०७१/७२ मा ७ हजार ७४९ जनाले र आर्थिक वर्ष ०७२/७३ मा १० हजार ३२० जनाले यो सेवा लिइसकेका छन् ।

के-के आवश्यक पर्छ सुविधा लिन ?

सरकारले खासगरी विपन्न वर्गका मानिसका लागि निःशुल्क उपचार गर्ने अवधारणा ल्याएको हो । र, यसका लागि निश्चित मापदण्ड पूरा गर्नुपर्ने स्वास्थ्य सेवा विभाग विपन्न इकाईले जनाएको छ । तीन महिना, ६ महिना वा नौ महिना खानै नपाउने तथा न्युन आयस्रोत भएका व्यक्तिका आधारमा विपन्न वर्ग भए-नभएको तय गरिनेछ । यद्यपि हुनेखानेले नै विपन्न बनेर यो सेवा नलिएका भने होइनन् ।

मापदण्ड यस प्रकार छन्ः
·      अनिवार्य ‘विपन्न वर्ग’ हुनपर्छ ।
·      सम्बन्धित वडा तथा गाउँ विकास समिति -गाविस)मा ‘विपन्न भएकाले आर्थिक सहयोग पाउँ’ भनी गाविसमा एउटा निवेदन दिनुपर्छ ।

·      उक्त निवेदनको आधारमा गाविसले जिल्लामा उक्त रोग निदानका लागि सिफारिस गरिदिन्छ ।
सोही सिफारिसका आधारमा जिल्ला विकास कार्यालयमा विपन्न वर्गका लागि बनाइएको समितिले उक्त रोगको निदानका लागि कागज बनाइदिन्छ । त्यसका लागि व्यक्तिले निवेदनसहित दुई वटा फोटो तथा नागरिकताको फोटो कपी, चिकित्सकले दिएको रिपोर्ट तथा गाविसले दिएको सिफारिस पत्र जिल्लामा पेश गर्नुपर्छ ।

उक्त पत्रकै आधामा जिल्लाका प्रमुख जिल्ला अधिकारी, स्थानीय विकास अधिकारी, समाजसेवी, उपचारमा संलग्न चिकित्सक, जनस्वास्थ्य अधिकृत, अस्पताल प्रमुख लगायतका व्यक्तिको उपस्थितमा बसेको बैठकले ‘उक्त व्यक्ति विपन्न वर्गको हो’ भनेर प्रमाणित गरेपछि उपचारका लागि सम्बन्धित अस्पताललाई सिफारिस गर्छ ।

सिफारिसका लागि व्यक्तिले आफ्नो पायक पर्ने अस्पतालको नामसहित उपचार लिन चाहेको रोगको विवरण खुलाउनुपर्छ । त्यसकै आधारमा बैठकले माइनुटिङ गरी सम्बन्धि अस्पताललाई पत्र लेख्दछ ।

त्यसरी पत्र लेख्दा विरामीले सिधै सो अस्पतालबाट तोकिएको रकम बराबरको सेवा लिन सक्नेछन् ।

कुन अस्पतालमा कुन रोगको उपचार ?

सरकारले निःशुल्क घोषणा गरेको रोगको उपचारका लागि सरकारी अस्पतालहरु समेत तोकिएको छ ।

क्यान्सर रोगको उपचार हुने अस्पतालहरु

·      क्यान्सर केयर अस्पताल, जाउलाखेल
·      भक्तपुर क्यान्सर अस्पताल, भक्तपुर
·      भरतपुर क्यान्सर अस्पताल, चितवन
·      कान्ति बाल अस्पताल, काठमाडौं

प्रसुति गृह, (महिलालाई हुने क्यान्सर रोग सम्बन्धि उपचारका लागि)

·      वीर अस्पताल, काठमाडौं
·      त्रि.वि.वि टिचिङ अस्पताल, महाराजगञ्ज
·      पाटन अस्पताल, ललितपुर
·      वि.पि.कोइराला स्वास्थ्य विज्ञान प्रतिष्ठान, धरान
·      सिभिल अस्पताल, नयाँ बानेश्वर

मिर्गौला रोगको उपचार हुने अस्पतालहरु

·      वि.पि.कोइराला स्वास्थ्य विज्ञान प्रतिष्ठान, धरान
·       वीर अस्पताल, काठमाडौं
·      त्रि.वि.वि टिचिङ अस्पताल, महाराजगञ्ज
·       पाटन अस्पताल, ललितपुर

मुटु रोगको उपचार हुने अस्पतालहरुः

·      वि.पि.कोइराला स्वास्थ्य विज्ञान प्रतिष्ठान, धरान
·      वीर अस्पताल, काठमाडौं
·      त्रि.वि.वि टिचिङ अस्पताल, महाराजगञ्ज
·      पाटन अस्पताल, ललितपुर
·      शहीद गंगालाल राष्ट्रिय हृदय रोग केन्द्र, बाँसबारी
·      मनमोहन कार्डियाक अस्पताल, काठमाडौं ।

सिकलसेल रोगको उपचार हुने अस्पतालहरू

·      नवलपरासी जिल्ला अस्पताल
·      बुटवल अञ्चल अस्पताल, बुटवल
·      कपिलबस्तु अञ्चल अस्पताल
·      घोराही उपक्षेत्रीय अस्पताल, दाङ
·      भेरी अञ्चल अस्पताल, बाँके
·      धनगढी अञ्चल अस्पताल, कैलाली
·      गुलरिया जिल्ला अस्पताल, वर्दिया
·      महाकाली अञ्चल अस्पताल, महेन्द्रनगर

हेड इन्जुरी, स्पाइनल इन्जुरी (टाउको र मेरुदण्डको समस्या)

·      वि.पि.कोइराला स्वास्थ्य विज्ञान प्रतिष्ठान, धरान
·      वीर अस्पताल, काठमाडौं
·      त्रि.वि.वि टिचिङ अस्पताल, महाराजगञ्ज
·      पाटन अस्पताल, ललितपुर

अन्य जुनसुकै अस्पतालबाट उपचार गर्न सकिन्छ । तर उपचारका क्रममा कुनै न कुनै रुपमा तोकिएको अस्पतालबाट उपचार गराएको हुनै पर्छ ।

पार्किन्सन्स, अल्जाइमर

·      वि.पि.कोइराला स्वास्थ्य विज्ञान प्रतिष्ठान, धरान
·      वीर अस्पताल, काठमाडौं
·      त्रि.वि.वि टिचिङ अस्पताल, महाराजगञ्ज
·      पाटन अस्पताल, ललितपुर

यदि पायक पर्ने अस्पतालमा शैया नपाएमा वा विभिन्न कारणवस त्यहाँ भर्ना हुन नपााएमा स्वास्थ्य सेवा विभागमार्फत अर्को उपचार सुविधा भएको अस्पतालमा सिफारिस गराउन सकिन्छ ।

सरकारले घोषणा गर्दा आठ प्रकारको रोगलाई निःशुल्क भनेको छ । तर, उपचारका क्रममा लाग्ने सबै खर्च भने सरकारले व्यहोर्ने होइन

यसरी सिफारिस गरिएका अस्पतालमा विरामीले उपचार लिए वापत उक्त अस्पतालले विभागमा माग सोध भर्ना गरी उपचारमा खर्च भएको शुल्क उठाउने गर्छ । त्यस्ता अस्पतालले प्रत्येक महिना अस्पतालमा भर्ना भएका वा उपचार लिएका विरामीको संख्याका आधारमा विभागसित रकम उठाउने गर्दै आएको छ ।

त्यसका लागि विभागले अर्थ, गृह र स्वास्थ्य सचिव, विभागका निर्देशक, लगायतका पदाधकारीसित बैठक बसेर रकम निर्धारण गरी मात्र अस्पतालले माग गरेको रकम दिने गर्दछ ।

त्यसबाहेक कतिपय विरामीलाई आवश्यकता अनुसार अचानक उपचार गराउनु परेको खण्डमा सो अस्पतालमा गरेको उपचारको आर्थिक विवरण लिएर विभागमा गएको खण्डमा विभागले अन्य अस्पताललाई सिफारिस समेत गर्दै आएको छ ।

यदि विपन्न बर्गमा पर्ने तर, उपचारका क्रममा त्यसका लागि अवश्यक पर्ने कागज पत्र र सिफारिस नभएमा आफू बिपन्नमा पर्ने कुरा सम्वन्धित अस्पताललाई समयमै जानकारी गराउनुपर्छ । र, अस्पतालले डिस्चार्ज गर्नु अघि नै आवश्यक प्रक्रिया मिलाउन समय दिइनेछ । यस्तो समय समान्यतया ५ दिनसम्मको दिने प्रचलन छ ।

सबै उपचार निःशुल्क हो ?

सरकारले घोषणा गर्दा आठ प्रकारको रोगलाई निःशुल्क भनेको छ । तर, उपचारका क्रममा लाग्ने सबै खर्च भने सरकारले व्यहोर्ने होइन ।

स्वास्थ्य सेवा विभाग अन्तरगतको विपन्न इकाईका जनस्वास्थ्य अधिकृत दयाराम न्यौपानेका अनुसार आठ प्रकारकै रोगमा सरकारले एक लाख रुपैयाँसम्म उपचार निःशुल्क गर्ने हो ।

बाँकी रकम भने विरामी र उनका परिवारले नै व्यहोर्नु पर्नेछ । यद्यपि उपचार खर्च नै व्यहोर्न नसक्नेहरुको हकमा ५ लाखसम्म सरकारले व्यहोर्ने व्यवस्था पनि छ । तर, यसका लागि यसअघि अपनाएको प्रक्रिया पर्याप्त हुँदैन ।

एक लाख भन्दा माथिको उपचारको हकमा विभागले संसद तथा मन्त्रालयमा थप उपचार खर्चका लागि सिफारिस गर्छ । र, त्यहाँबाट स्वीकृत भएमा मन्त्रिपरिषदबाट निर्णय गराएर उपचार खर्च दिने प्रचलन छ ।

डाइलोसिस भने आजीवन निःशुल्क

सरकारले पछिल्लो समय मिर्गौला रोगबाट पीडित भएकाहरुलाई हप्तामा दुई पटक निःशुल्क डाइलोसिस सुविधा दिँदै आएको थियो । अब भने यो सातामा तीनपटक नै बनाइएको छ ।

जस अन्तर्गत दुवै मिर्गौला फेल भएका मानिसहरुले दुई वर्षमा झण्डै २०८ साइकल (पटक) डाइलोसिस गराउन पाउँथे । यो भनेको झण्डै आठ लाख बीस हजार बराबरको उपचार शुल्क हो । अहिले प्रचण्ड नेतृत्वको सरकारले यो सेवा आजीवन निःशुल्क बनाएको छ र अब दुवै मिर्गौला फेल भएका विरामीले तोकिएको कुनै पनि अस्पतालबाट आजीवन यो सुविधा उपभोग गर्न सक्नेछन् ।

तर, त्यो सम्पन्न परिवारका लागि नभई विपन्न वर्गका लागिमात्र भएको स्वास्थ्य सेवा विभाग, व्यवस्थापन महाशाखा, विपन्न इकाईका जनस्वास्थ्य अधिकृत न्यौपाने बताएका छन् ।

पासपोर्टलगायत कागजपत्र काठमाडौंमै छुटेपछि

नयाँ पत्रिका काठमाडौं, ३० भदौ संयुक्त राष्ट्रसंघको शान्ति मिसनका लागि दक्षिण सुडान पुगेको नेपाली सेनाको टोली पासपोर्टलगायत कागजपत्र काठमाडौंमै छुटेपछि दक्षिण सुडान पुगेर फर्किएको छ । दक्षिण सुडानको राजधानी जुबा पुगेर उनीहरू काठमाडौं आई पासपोर्ट लिएर बुधबार बिहानै फेरि जुबाका लागि प्रस्थान गरेका छन् । शान्ति मिसनमा जाने सैनिक अधिकारीको पासपोर्ट तथा राष्ट्रसंघको मनोनयनपत्र राखिएको झोला विमानस्थलस्थित सेनाको बाहिनीमै छुटेको थियो । पासपोर्ट नै नभएपछि दक्षिण सुडानले प्रवेश नदिने अडान लिएपछि दुई सय ३२ जना सैनिकलाई लिएर उक्त जहाज फेरि काठमाडौं आएको थियो । पासपोर्ट लिएर गएपछि उनीहरूले दक्षिण सुडानमा प्रवेश पाएका छन् । राष्ट्रसंघकै विमानमा शान्ति सैनिक मंगलबार दिउँसो जुबाका लागि उडेका थिए । टोली इन्चार्जको चरम लापरबाहीले पासपोर्ट भएकै झोला काठमाडौंमा छुटेको हो । शान्ति मिसनमा जाने सैनिक अधिकारीलाई त्रिभुवन अन्तर्राष्ट्रिय विमानस्थलमा चेकजाँच हुँदैन । सेनाको बाहिनीतर्फबाट उनीहरू सिधै विमानमा प्रवेश गर्छन् । सोही कारण दक्षिण सुडान पुगेर पासपोर्टको झोला खोज्दा मात्र काठमाडौंमै रहेको थाहा पाएका हुन् । घटनाको विषयमा छानबिन सुरु भएको नेपाली सेनाका सहप्रवक्ता रामनाथ ढुंगानाले जानकारी दिए । - See more at: http://www.enayapatrika.com/2016/09/89651?utm_source=twitterfeed&utm_medium=twitter#sthash.5JW7EjWa.dpuf